13 сәуір 2012 жылы ҚАЕУ-нің мәжіліс залы. Жиналған халық-жергілікті ақын М.И.
Чистяковтың шығармашылығына арналған «Чистяков оқуларына» қатысушылар. Олардың
арасында «№26 орта мектебі» КММ-нің 8 сынып оқушысы Бухарина Ирина бар. Ол осы
конференцияда, «М.Чистяков мұрасы» бөлімінде «М.Чистяков шығармаларындағы
табиғат пен адам өмірінің тағдыры» тақырыбына қазақ тілінде баяндама оқыған
жалғыз адам (жетекшісі №26 орта мектептің қазақ тілі мен әдебиет мұғалімі
жоғары санатты ұстаз- Нургалиева Гульнар Кабдыгалимовна). Баяндамашының өнеріне
тән риза болған жюри оны бағалы сыйлықтармен және грамотамен марапаттады, ал
жергілікті ақын Қайрат Малғаждаров өзінің «Көркейген өлке Көкпекті» атты өлең
жинағын сыйға тартты.
